آئی پی ایل فرنچائز کنگز الیون پنجاب میں کرپشن کے انکشافات پریٹی زنٹا کا انکار

میڈیا نے بی سی سی آئی حکام کے ساتھ میری میٹنگ کی خبروں کو غلط انداز سے نشر کیا، پریٹی زنٹا۔ فوٹو: فائل

---

لاہور: انڈین پریمیئر لیگ میں سٹے بازی اور میچ فکسنگ سے متعلق انکشافات کا سلسلہ مسلسل جاری ہے اور چنئی سپر کنگز کے بعد کنگ الیون پنجاب میں بھی کرپشن کے انکشافات سامنے آئے ہیں لیکن فرنچائز کی مالک بالی ووڈ اداکارہ نے میچ فکسنگ کی تمام خبروں کو بے بنیاد قرار دے دیا ہے۔

بھارتی میڈیا رپورٹس کے مطابق کنگ الیون پنجاب کی مالکن پریٹی زنٹا کا کہنا تھا کہ آئی پی ایل میں کئی میچز کا فیصلہ پہلے سے ہی طے شدہ ہوتا تھا، بہت سے لوگوں نے مجھے میچ سے پہلے نتیجے کا بتایا جو 100 فیصد درست ثابت ہوا۔ میری ٹیم کے کچھ کھلاڑی مشکوک سرگرمیوں میں ملوث رہے، میچ کے دوران 100 فیصد کارکردگی نہ دکھانے پر بہت سے کھلاڑیوں کو ٹیم سے باہر بھی کیا، کنگ الیون پنجاب کے کچھ کھلاڑیوں نے جان بوجھ کر میچز ہارے۔ رپورٹس کے مطابق پریٹی زنٹا کا کہنا تھا کہ بی سی سی آئی کا اینٹی کرپشن یونٹ فکسنگ نہیں روک سکا اور ان کے اقدامات اور دعوے صرف دعوے ہی رہے۔

Dear All,

This piece of article is completely false, libel per say, inaccurate and an irresponsible piece of... http://t.co/x0pURYfKVw

— Preity G Zinta (@realpreityzinta) August 19, 2015

دوسری جانب مائیکرو بلاگنگ ویب سائٹ ٹوئٹر پر اپنے پیغام میں پریٹی زنٹا نے اپنی ٹیم میں میچ فکسنگ سے متعلق تمام خبروں کو بے بنیاد قرار دیتے ہوئے کہا ہے کہ میڈیا نے بی سی سی آئی حکام کے ساتھ میری میٹنگ کی خبروں کو غلط انداز سے نشر کیا۔ میں نے بی سی سی آئی حکام کو صرف جھوٹ پکڑنے والے مشین لگانے کا مشورہ دیا تھا تاکہ کھلاڑی میچ فکسنگ سے متعلق سوچ بھی نہ سکیں۔

Stop spreading rubbish without verification . https://t.co/lyfMtVO7fQ

— Preity G Zinta (@realpreityzinta) August 19, 2015

واضح رہے کہ اس سے قبل آئی پی ایل کے سابق سربراہ للت مودی سمیت متعدد کھلاڑیوں پر بھی کرپشن اور میچ فکسنگ کے الزامات ثابت ہو چکے ہیں جب کہ بھارتی سپریم کورٹ مہندرا سنگھ دھونی کی ٹیم چنئی سپر کنگز پر 2 سال کی پابندی بھی عائد کر چکی ہے۔