‘‘یوم آزادی‘‘ قریب سلمان اور آصف کے لیے بند دروازہ کھلنے لگا

اسپاٹ فکسنگ کے مرتکب دونوں پلیئرزکی 5 سالہ پابندی یکم ستمبرکی شب ختم ہوگی

ویب ڈیسک August 19, 2015

سلمان بٹ اور محمد آصف اگست 2010 میں پاکستان اور انگلینڈ کے درمیان ہونے والے ٹیسٹ میچ کے دوران میچ فکسنگ میں ملوث پائے گئےتھے. فوٹو: رائٹرز

سلمان بٹ اور محمد آصف کے لیے ''یوم آزادی'' قریب آگیا،آئی سی سی نے اسپاٹ فکسنگ میں ملوث کھلاڑیوں پرکرکٹ کے بند دروازے کھولنے کااعلان کردیا، دونوں کی پانچ سالہ پابندی یکم ستمبر کی شب ختم ہوجائے گی۔

https://img.express.pk/media/images/q317/q317.webp

تفصیلات کے مطابق انٹرنیشنل کرکٹ کونسل نے اگست 2010 میں دنیائے کرکٹ کو ہلا دینے والے اسپاٹ فکسنگ اسکینڈل کے مرکزی کردار سلمان بٹ اور فاسٹ بولر محمد آصف پر پانچ برس سے بند کھیل کے دروازے کھولنے کا اعلان کردیا ہے۔ ان کے ساتھ فاسٹ بولر محمد عامر بھی رنگے ہاتھوں پکڑے گئے تھے لیکن وہ رواں برس کے آغاز پراپنی کم عمری اورپی سی بی کی مہربانی سے ڈومیسٹک سطح پر کرکٹ کھیلنے کی اجازت پانے میں کامیاب ہوگئے، مگر ان کی انٹرنیشنل سطح پر کھیلنے پر عائد پابندی برقرار تھی۔ ان تینوں کھلاڑیوں کی 5 سالہ سزا کی مدت یکم ستمبر کی آدھی رات کو ختم ہوجائے گی، وہ اگلے روز یعنی 2 ستمبر سے ڈومیسٹک اور انٹرنیشنل کرکٹ کھیلنے کے اہل ہوں گے۔

https://img.express.pk/media/images/q417/q417.webp

https://img.express.pk/media/images/icc/icc.webp

آئی سی سی اعلامیہ میں کہا گیاکہ سلمان بٹ اور آصف کیلیے اینٹی کرپشن یونٹ کی جانب سے جو اصلاحی پروگرام وضع کیا گیا تھا وہ اسے مکمل کرچکے، 2 ستمبر سے ان پر تمام طرز کی کرکٹ کے دروازے کھل جائیں گے، عامر بھی انٹرنیشنل لیول پر کھیلنے کے اہل ہوں گے۔ انٹرنیشنل کرکٹ کونسل نے تینوں کھلاڑیوں کو خوشخبری سنانے کے ساتھ خبردار بھی کیا کہ دیگر کرکٹرزکی طرح وہ بھی اینٹی کرپشن کوڈ اور قوانین کے پابند ہوں گے،اگر ان میں سے کوئی بھی مزید کسی کرپشن میں ملوث پایا گیا تو اسے مزید سخت سزائوں کا سامنا کرنا پڑے گا، سلمان بٹ اور آصف کے کیس میں معطل سزائیں جو بالترتیب 5 اور2 برس ہیں نافد العمل ہوجائیں گی۔

https://img.express.pk/media/images/q513/q513.webp

دلچسپ بات یہ ہے کہ آئی سی سی اعلامیے کے بعد اب سلمان، آصف اور عامر انگلینڈ کے خلاف اکتوبر میں یو اے ای میں شیڈول سیریز میں شرکت کے اہل ہوجائیں گے، اسی ٹیم کے خلاف لارڈز ٹیسٹ میں انھیں اسپاٹ فکسنگ پر رنگے ہاتھوں پکڑا گیا تھا۔

https://img.express.pk/media/images/q612/q612.webp

https://img.express.pk/media/images/salman-butt/salman-butt.webp

سلمان بٹ کا کہنا ہے کہ میں کونسل کے اس فیصلے کا خیرمقدم کرتا اور برے وقت میں جس نے بھی میرا ساتھ دیا اس کا شکرگزار ہوں، مجھے اس خبرسے نئی زندگی ملی اور میں ہی سمجھ سکتا ہوں کہ اس کے میرے نزدیک کیا معنی ہیں،انھوں نے کہا کہ اپنے لیے روزی روٹی کمانے کا رستہ کھلنے پر میں اپنی خوشی کو الفاظ میں بیان نہیں کرسکتا، میں بہت نقصان اٹھا چکا اور اب یکسر بدل گیا ہوں، مجھے ایک بڑا سبق مل چکا اب اچھی اسپرٹ کے ساتھ اپنی کرکٹ شروع کروں گا۔

https://img.express.pk/media/images/q710/q710.webp

https://img.express.pk/media/images/asif/asif.webp

محمد آصف نے کہا کہ سلیکٹرز کو متاثر کر کے قومی ٹیم میں واپسی کی کوشش ہو گی۔ دوسری جانب پاکستان کرکٹ بورڈ کے چیئرمین شہریار خان نے اس بارے میں کہاکہ جب تک آئی سی سی کا تحریری فیصلہ موصول نہ ہو کوئی تبصرہ نہیں کرسکتا۔