افغان قیادت کی مسلسل بیان بازی پر افغانستان کے سفیر کی دفتر خارجہ طلبی

افغانستان کی جانب سے بیانات دوطرفہ تعلقات پر منفی اثرات مرتب کررہے ہیں، سیکریٹری خارجہ

ویب ڈیسک August 19, 2015

افغانستان کی جانب سے بیانات دوطرفہ تعلقات پر منفی اثرات مرتب کررہے ہیں، سیکریٹری خارجہ، فوٹو:فائل

دفتر خارجہ نے افغان سفیر جانان موسی زئی كو طلب كركے افغان حكومت كی جانب سے پاكستان كے خلاف كی جانے والی حالیہ الزام تراشی اور منفی میڈیا مہم پر شدید احتجاج كیا۔

https://img.express.pk/media/images/q80/q80.webp

https://img.express.pk/media/images/Afghan-ambasador/Afghan-ambasador.webp

ترجمان دفتر خارجہ كے مطابق سیكرٹری خارجہ اعزاز احمد چوہدری نے افغان سفیركو دفتر خارجہ طلب كیا اور افغان سفیر كو افغان حكومت كے حالیہ الزامات اور پاكستان كو بدنام كرنے كے لیے چلائی جانے والی میڈیا مہم كے بارے میں پاكستان كی تشویش اور تحفظات سے آگاہ كیا گیا۔

https://img.express.pk/media/images/q121/q121.webp

https://img.express.pk/media/images/aizaz-chaudhry/aizaz-chaudhry.webp

سیكرٹری خارجہ نے اس بات پر زور دیا كہ ان الزامات سے باہمی اعتماد كی فضا خراب اور دو طرفہ تعلقات پر بھی منفی اثرات مرتب ہوں گے۔ افغان سفیر كو بتایا گیا كہ اس كے باوجود پاكستان صبر وضبط سے كام لے رہا ہے اور الزام تراشی میں نہیں الجھ رہا، افغان فورسز كی جانب سے 16 اور 17 اگست كو كی جانے والی سرحدی خلاف ورزیوں پر بھی شدید احتجاج كیا گیا، ان خلاف ورزیوں میں ایف سی كے 3 اہلكار شہید اور 2 زخمی ہوئے تھے۔

https://img.express.pk/media/images/q218/q218.webp

افغان سفیر كو بتایا گیا كہ پاكستان كی یہ پالیسی ہے كہ اس كی فورسز فائرنگ كرنے میں پہل نہیں كرتیں بلكہ فائرنگ كا اپنے دفاع میں جواب دیتی ہیں۔ سیكرٹری خارجہ نے كہا کہ پاكستان اپنی برداشت اور تحمل پر مبنی ذمہ دارانہ پالیسی اور افغانستان كے ساتھ تعمیری روابط جاری ركھنے لے عزم پر كاربند رہے گا، ہمیں امید ہے كہ افغان حكومت بھی اس كا مثبت جواب دے گی اور سرحد پر ہونے والے واقعات كی روک تھام كے لیے مؤثر اقدامات اٹھائے جائیں گے، افغان حكومت پاكستان كے ساتھ باہمی اعتماد اور اچھی ہمسائیگی كے لیئے مل كر كام كرے گی۔