پاکستان ہاکی فیڈریشن کے صدر اختررسول مستعفی

پاکستان ہاکی فیڈریشن کے صدر اختر رسول نے اپنے عہدے سے استعفیٰ دے دیا ہے۔

اسلام آباد میں پریس کانفرنس کرتے ہوئے اختر رسول کا کہنا تھا کہ ہاکی کی بحالی اور قومی مفاد میں مستعفی ہو رہا ہوں۔ دوسری جانب ویزراعظم نواز شریف نے بریگیڈیر ریٹائرڈ سجاد کھوکھر کو پی ایچ ایف کی صدارت کے لئے نامزد کردیا ہے۔ سجاد کھوکھر کا کہنا تھا کہ پی ایچ ایف کی صدارت کے لئے نامزد ہونا اعزاز کی بات ہے۔


واضح رہے کہ اختر رسول 2013 میں پی ایچ ایف کے صدر منتخب ہوئے تھے۔ اختر رسول 2 اولمپکس اور 4 ورلڈ کپ ٹورنامنٹس میں پاکستان کی نمائندگی کر چکے ہیں۔ قومی ہاکی ٹیم کی اولمپکس سے باہر ہونے پر پی ایچ ایف حکام کو شدید تنقید کا سامنا تھا جب کہ وزیراعظم نواز شریف نے ٹیم کی افسوسناک کارکردگی کی تحقیقات کے لئے ایک ٹیم بھی تشکیل دی تھی۔

https://www.dailymotion.com/video/x32eq31_akhtar-rasool_news