منی لانڈرنگ کیس کی ملزمہ ایان علی جامعہ کراچی میں لیکچردینے پہنچ گئیں

ماڈل نے بطورمہمان خصوصی لیکچردینے کے بعد طالب علموں کے ساتھ سیلفیاں بھی بنوائیں:فوٹو فائل

---

DUBAI: ایان علی جامعہ کراچی کے شعبہ پبلک ایڈمنسٹریشن کے سیمینار میں مہمان خصوصی کی حیثیت سے شریک ہوئیں جس کے بعد سوشل میڈیا پرانہیں شدید تنقید کا نشانہ بنایا جارہا ہے۔

منی لانڈرنگ کیس میں ملوث ماڈل ایان علی جامعہ کراچی کے شعبے پبلک ایڈمنسٹریشن پہنچیں جہاں انہوں نے طلبا کو لیکچردیا، ماڈل شعبے میں منعقد سیمینارمیں مہمان خصوصی کی حیثیت سے شریک ہوئیں اورسوشل میڈیا پران کی تصاویر عام ہونے پر انہیں شدید تنقید کا نشانہ بنایا جارہا ہے جب کہ ایک شخص نے اپنی ٹوئٹ میں یہاں تک لکھا ہے کہ ایان علی نے منی لانڈرنگ کے موثر طریقے پر لیکچر دیا۔

https://twitter.com/real_sumaira/status/634333309498167296

ماڈل سے ملنے کے لیے دیگرشعبوں سے بھی طالبعلموں کی بڑی تعداد جمع ہوگئی جہاں انہوں نے سپر ماڈل کے ساتھ سیلفیاں بھی بنوائیں تاہم ماڈل ایان علی کو جامعہ کراچی کے شعبہ پبلک ایڈمنسٹریشن کی جانب سے اعزازی شیلڈ بھی دی گئی۔

Ayyan Ali 's lecture on Effective ways to Money Laundering :D #AyanBaniUstani pic.twitter.com/V5KzWY8S3O

— Jaiser (@JaiserAbbas) August 20, 2015

واضح رہے کہ ماڈل ایان علی منی لانڈرنگ کیس میں کم وبیش 4 ماہ جیل میں سزا کاٹ چکی ہیں تاہم وہ ابھی عبوری ضمانت پررہا ہیں۔