فلم’’بینگ بینگ‘‘ کے سیکوئل میں سدھارت اور جیکولین جلوہ گر ہوں گے

اداکار فلم’’کپور اینڈ سنز‘‘ جب کہ اداکارہ جیکولین فرنینڈس ’’ڈشوم‘‘اور ’’ہاؤس فل3‘‘ کی شوٹنگ میں مصروف ہیں، فوٹو:فائل

---

بالی ووڈ کے نوجوان اداکار سدھارت ملہوترا فلم''بینگ بینگ'' کے سیکوئل میں ہریتھک روشن اور اداکارہ جیکولین فرنینڈساب کترینہ کیف کی جگہ مرکزی کردار ادا کریں گے۔

بالی ووڈ کے اداکار سدھارت ملہوترا اپنی جاندار اداکاری کے باعث انڈسٹری میں جگہ بنانے میں کامیاب ہوگئے ہیں جب کہ فلم''برادرز'' کی کامیابی نے ان کی مانگ میں اضافہ کردیا ہے جس کے بعد انہیں متعدد فلموں میں اداکاری کی پیشکش کی گئی ہے۔

میڈیا رپورٹس کے مطابق بالی ووڈ کے ہدایتکارراج ندی مورو اور کرشنا ڈی کے نے 2014 میں ریلیز ہونے والی فلم''بینگ بینگ'' کا سیکوئل بنانے کا اعلان کیا ہے جب کہ فلم ''بینگ بینگ'' میں اداکار ہریتھک روشن اور اداکارہ کترینہ کیف نے مرکزی کردار ادا کیا تھا تاہم فلم کے سیکوئل میں سدھارت ملہوترا اور سری لنکن حسینہ جیکولین فرنینڈس رومانس کرتے نظر آئیں گے۔

واضح رہے کہ اداکار فلم''کپور اینڈ سنز'' جب کہ اداکارہ جیکولین فرنینڈس ''ڈشوم''اور ''ہاؤس فل3'' کی شوٹنگ میں مصروف ہیں۔