جامعہ کراچی میں ماڈل ایان علی کوبلانے پرڈیپارٹمنٹ چیرمین اورطلبہ کونوٹسز جاری

جامعہ کراچی میں ماڈل ایان علی کو مدعو کرنے پر رجسٹرار نے پبلک ایڈمنٹسریشن ڈیپارٹمنٹ کے چیرمین ڈاکٹرشبیب اور پروگرام کے آرگنائزر طلبا کو نوٹسز جاری کردیئے۔

ایکسپریس نیوزکے مطابق جامعہ کراچی کے شعبہ پبلک ایڈمنسٹریشن کے چئیرمین ڈاکٹرشبیب الحسن کی ماڈل ایان علی کے ساتھ تصویرنے بھانڈا پھوڑ دیا جب کہ اس سے قبل ان کا کہنا تھا کہ ایان علی کو جامعہ میں داخل نہ ہونے سے متعلق سیکیورٹی کو کہا گیا تھا تاہم سیکیورٹی اہلکارایان علی کو روکنے میں ناکام رہے جب کہ معاملہ طول پکڑنے پر یونیورسٹی کے رجسٹرار نے شعبے کے چیئرمین اورتقریب کا انعقاد کرنے والے طلبا کو نوٹسز جاری کرتے ہوئے 2 روز میں جواب طلب کرلیا۔


واضح رہے کہ ایان علی جامعہ کراچی کے شعبہ پبلک ایڈمنسٹریشن کے سیمینارمیں مہمان خصوصی کی حیثیت سے شریک ہوئیں تھیں جس کے بعد سوشل میڈیا پرانہیں شدید تنقید کا نشانہ بنایا جارہا ہے۔

https://www.dailymotion.com/video/x32j48l_ayyan-ali-ku_news