سی آئی اے پولیس نے مختلف علاقوں میں کارروائی کرتے ہوئے 2 پولیس اہلکاروں سمیت 4 ملزمان کو گرفتار کرلیا۔

ایکسپریس نیوز کے مطابق لاہور کے مختلف علاقوں میں سی آئی اے پولیس نے کارروائی کرتے ہوئے 2 پولیس اہلکاروں سمیت 4 ملزمان کو گرفتار کرلیا۔ پولیس کے مطابق گرفتار ملزمان میں پولیس اہلکار سعید اور مختار شامل ہیں جب کہ ملزمان کے قبضے سے جعلی نمبر پلیٹ والی کار، اسلحہ اور 7 لاکھ روپے برآمد کیے۔ ایس پی سی آئی اے کا کہنا ہے کہ ملزمان کا ابھی تک کالعدم تنظیموں سے تعلق سامنے نہیں آیا۔