کراچی کے علاقے ماڑی پور سے کالعدم تحریک طالبان کے2 دہشتگرد گرفتار پولیس

موچکو کے علاقے سے گینگ وار کو مالی معاونت فراہم کرنے والے محمد سکندر نامی ملزم کو بھی گرفتار کرلیا گیا

---

پولیس نے مختلف علاقوں میں کارروائی کرکے کالعدم تحریک طالبان کے 2 دہشت گرد اور گینگ وار کو مالی معاونت کرنے والے ملزم کو بھی گرفتار کرلیا۔

ڈی آئی جی ساؤتھ ڈاکٹر جمیل کے مطابق پولیس نے کراچی کے علاقے ماڑی پور میں کارروائی کرکے کالعدم تحریک طالبان کے 2 دہشت گردوں نیک امان اللہ اور قاری سجاد خالد خراسانی کو گرفتار کرلیا۔ ڈی آئی جی کا کہنا تھا کہ دونوں دہشت گردوں نے وزیرستان سے دہشت گردی کی تربیت حاصل کی اور یہ کراچی میں دہشت گردی کا منصوبہ بنا رہے تھے جب کہ یہ کالعدم تحریک طالبان کے لیے کراچی سے شدت پسند بھی بھرتی کرتے تھے۔

ڈی آئی جی ساؤتھ نے بتایا کہ پولیس نے ایک اور کارروائی میں موچکو کے علاقے سے گینگ وار کو مالی معاونت فراہم کرنے والے محمد سکندر نامی ملزم کو بھی گرفتار کرلیا جس کے قبضے سے آوان بم اور پستول برآمد کیا گیا ہے۔