انٹرنیشنل جونیئراسکواش ملائیشین انڈر 19 پلیئرعامرفرحان نے سیمی فائنل میں جگہ بنالی

محمد عامر عرفان نے کوارٹر فائنل میں خیبر پختونخوا کے بابرک خان کو 13-11،11-8 اور11-8 سے شکست دی۔ فوٹو: فائل

---

ملائیشین انڈر 19 پلیئر محمد عامر فرحان نے ڈی جی رینجرز سندھ انٹرنیشنل جونیئر اوپن اسکواش چیمپئن شپ کے سیمی فائنل میں جگہ بنالی۔

انھوں نے کوارٹر فائنل میں خیبر پختونخوا کے بابرک خان کو 13-11،11-8 اور11-8 سے شکست دی۔ دیگر فائنل ایٹ میچز میں پنجاب کے عبداللہ بشیر اور عاصم خان جبکہ پی اے ایف کے عباس شوکت نے فتوحات سمیٹیں۔ انڈر 17 کوارٹر فائنل میں ملائیشیا کے ڈیرن چین ٹی لیون، کوآن کا لیپ اور النک علی بن عبدالرحیم سرخرو ہوئے جبکہ اینڈریو لی جیا ہائو کو پی اے ایف کے احسان ایاز نے ہرادیا۔ویمنز انڈر 19 میں سعدیہ گل، آمنہ لطیف، ثمر انجم اور رفعت خان نے کامیابیاں حاصل کیں۔