ایشوریا رائے فلموں میں اداکاری کے بعد آواز کا جادو جگائیں گی

فلم’’جذبہ‘‘ میں ایشوریا رائے بچن کے علاوہ اداکار عرفان خان مرکزی کردار ادا کررہے ہیں، فوٹو: فائل

---

ISLAMABAD: سابق ملکہ حسن اور بالی ووڈ اداکارہ ایشوریا رائے بچن اپنی نئی فلم''جذبہ'' میں آواز کا جادو جگائیں گی۔

بھارتی فلم انڈسٹری کے کئی نامور اسٹارز اداکاری کے میدان میں کامیابی کے بعد گلوکاری میں بھی قسمت آزما رہے ہیں جب کہ کئی اداکاروں نے اپنی فلموں میں ہی پلے بیک سنگر کے طور پر گلوکاری کی ہے جس میں امیتابھ بچن، سلمان خان، اکشے کمار، پریانکا چوپڑا، شردھا کپور اور عالیہ بھٹ شامل ہیں تاہم اب اس فہرست میں سابق ملکہ حسن کا اضافہ ہونے والا ہے۔

کئی دہائیاں بالی ووڈ پر راج کرنے والی اداکارہ ایشوریا رائے شادی کے طویل عرصے بعد فلمساز سنجے گپتا کی فلم ''جذبہ'' میں مرکزی کردارادا کررہی ہیں جس کی شوٹنگ جاری ہے ۔ میڈیا رپورٹس کے مطابق اداکارہ ایشوریا رائے فلم ''جذبہ''میں اداکاری کے ساتھ ساتھ پہلی باراپنی آواز کا جادو جگائیں گی۔

واضح رہے کہ فلم''جذبہ'' میں ایشوریا رائے بچن کے علاوہ اداکار عرفان خان مرکزی کردار ادا کررہے ہیں۔