بھارت میں پیاز 80 روپے کلو تک پہنچ گئی

بھارت بھرمیں پیاز اور دالوں کی قیمتوں میں حالیہ 2 سے 3 ہفتے کے دوران تیزی سے اضافہ دیکھنے میں آیا ہے

APP August 23, 2015

بھارت بھرمیں پیاز اور دالوں کی قیمتوں میں حالیہ 2 سے 3 ہفتے کے دوران تیزی سے اضافہ دیکھنے میں آیا ہے۔ فوٹو: فائل

بھارت میں پیاز کی قیمت 80 روپے کلو تک پہنچ گئی۔ بھارتی اخبارکی رپورٹ کے مطابق پیازکی مصنوعی قلت برقرار رہنے کی صورت میں یہ100 روپے فی کلوگرام سے بھی تجاوز کرسکتی ہے۔

واضح رہے کہ بھارت بھرمیں پیاز اور دالوں کی قیمتوں میں حالیہ 2 سے 3 ہفتے کے دوران تیزی سے اضافہ دیکھنے میں آیا ہے۔ رپورٹ کے مطابق یہ صورتحال تاجروں کی طرف سے اشیائے خوردونوش کی مصنوعی قلت پیدا کرکے ناجائز منافع کمانے کے رجحان کا نتیجہ ہے، بھارتی حکومت نے پیازکی قیمتوں کے مسئلے پر قابو پانے کے لیے آئندہ ماہ کے وسط تک بڑی مقدار میں پیاز درآمد کرنے پرغور شروع کر دیا ہے، بھارتی حکام نے اڑیسہ، تلنگانہ اور مغربی بنگال میں پیاز کو ذخیرہ کرنے کی زیادہ سے زیادہ حد بھی مقرر کردی ہے۔ حکام کے مطابق پیاز کی درآمد اور آندھرا پردیش، مہاراشٹر، راجھستان، کرناٹک اور گجرات میں نئی فصل کی برداشت کے بعد قیمتوں میں کمی کا امکان ہے۔