سلمان خان فلم سلطان میں ’’والد‘‘ کا کردار بھی نبھائیں گے

بالی ووڈ اسٹار کی نئی آنے والی فلم’’سلطان‘‘ باکسر کی کہانی پر مبنی ہے

ویب ڈیسک August 25, 2015

بالی ووڈ اداکار سلمان خان پہلے بھی فلموں’’جب پیار کسی سے ہوتا ہے‘‘،’’بیوی نمبر1‘‘ اور ’’باڈی گارڈ‘‘ میں بھی والد کے کردار میں جلوہ گر ہوئے تھے،فوٹو: فائل

بالی ووڈ کے دبنگ سپر اسٹار سلمان خان اپنی نئی آنے والی فلم''سلطان'' میں ''باکسر'' کے علاوہ والد کے روپ میں بھی نظر آئیں گے۔

بالی ووڈ کے کے نامور فلمسازعلی عباس ظفر کی نئی آنے والی فلم''سلطان'' باکسر کی کہانی پر مبنی ہے جس میں اداکار سلمان خان مرکزی کردار ادا کررہے ہیں تاہم فلم میں دبنگ خان کے مدمقابل اداکارہ کا حتمی فیصلہ نہیں کیا گیا۔

میڈیا رپورٹس کے مطابق یش راج فلمز کے بینر تلے بننے والی فلم میں سلمان خان ''باکسر'' کے روپ میں نظر آئیں گے تاہم فلم میں دبنگ خان ''والد'' کا روپ بھی دھاریں گے جو کہ ان کا منفرد کردار ہوگا۔

واضح رہے کہ بالی ووڈ اداکار سلمان خان پہلے بھی فلموں''جب پیار کسی سے ہوتا ہے''،''بیوی نمبر1'' اور ''باڈی گارڈ'' میں بھی والد کے کردار میں جلوہ گر ہوئے تھے۔