آرمی چیف نے کراچی میں فوجی عدالتوں کی تعداد میں اضافے کی منظوری دے دی

دہشتگردوں، جرائم پیشہ اورمافیاز کے خلاف بلاتفریق آپریشن جاری رکھا جائے، جنرل راحیل شریف۔ فوٹو: آئی ایس پی آر

---

آرمی چیف جنرل راحیل شریف نے کراچی میں فوجی عدالتوں کی تعداد میں اضافے کی منظوری دیتے ہوئے ہدایت کی ہے کہ شہر قائد میں دہشت گردوں، جرائم پیشہ مافیا اور کرپشن کرنے والوں کے گٹھ جوڑ کا خاتمہ کیا جائے۔



پاک فوج کے شعبہ تعلقات عامہ ( آئی ایس پی آر) کے مطابق آرمی چیف جنرل راحیل شریف کی زیرصدارت کور ہیڈکوارٹر میں کراچی کی سیکیورٹی صورتحال پر اجلاس ہوا جس میں ڈی جی رینجرز سندھ میجر جنرل بلال اکبر، چیف سیکرٹری سندھ، ڈی جی آئی ایس پی آر میجر جنرل عاصم باجوہ، آئی جی سندھ ، کمشنرکراچی اور انٹیلی جنس ایجنسیزکےنمائندوں نے بھی شرکت کی۔

#COAS approved increase in number of mil courts at Kci to handle outstanding terrorist cases-4

— Gen(R) Asim Saleem Bajwa (@AsimBajwaISPR) August 25, 2015

ترجمان پاک فوج نے سماجی رابطے کی ویب سائٹ ٹوئٹرپراجلاس کی تفصیلات بتاتے ہوئے کہا کہ آرمی چیف جنرل راحیل شریف کو اجلاس کے دوران کراچی کی سیکیورٹی صورتحال پربریفنگ دی گئی جب کہ اس موقع پر پاک فوج کے سربراہ نے کراچی میں امن و امان کی صورتحال میں نمایاں بہتری پر اطمینان کا اظہار کرتے ہوئے ہدایت کی کہ دہشتگردوں، جرائم پیشہ اورمافیاز کے خلاف بلاتفریق آپریشن جاری رکھا جائے۔ آرمی چیف نے دہشتگردوں، جرائم پیشہ مافیاز، تشدد اور کرپشن کرنے والوں کے درمیان گٹھ جوڑ کے خاتمے اور شہر قائد کو خوف سے پاک اور پرامن شہر یقینی بنانے کی ہدایت بھی کی۔

Directed to break evil nexus b/w terrorism,criminal mafias,violence&corruption to ensure peaceful&terror free Kci-3 pic.twitter.com/9TMXumJWd3

— Gen(R) Asim Saleem Bajwa (@AsimBajwaISPR) August 25, 2015

آئی ایس پی آر کے مطابق آرمی چیف نے شہر میں امن وامان سے متعلق اقدامات پر انٹیلی جنس اداروں کی کارکردگی کو سراہتے ہوئے کہا کہ شہر میں امن وامان کی صورتحال میں نمایاں بہتری آئی ہے۔

To build capacity of Kci police,in addition to their training completed,equipment worth RS.65 million handed over to Kci Police-5

— Gen(R) Asim Saleem Bajwa (@AsimBajwaISPR) August 25, 2015

آرمی چیف جنرل راحیل شریف نے کراچی میں تقریب سے جوانوں اور افسران سے خطاب بھی کیا جب کہ انہوں نے یادگارہ شہدا پر پھول چڑھائے اور فاتحہ خوانی بھی کی۔ تقریب کے دوران سربراہ پاک فوج نے لیفٹیننٹ جنرل ضمیر کو کرنل کمانڈر ایئر ڈیفنس کے بیجز بھی لگائے۔

#COAS in Kci:Floral wreath-Shuhada monument.Pinned Badges Colonel Comdt Air Def On Lt Gen Zameer.Addressed offrs&men pic.twitter.com/vvvgrH2WeB

— Gen(R) Asim Saleem Bajwa (@AsimBajwaISPR) August 25, 2015

دوسری جانب آئی ایس پی آر کا کہنا ہے کہ آرمی چیف جنرل راحیل شریف کی جانب سے کراچی پولیس کی صلاحیت بڑھانے اور ٹریننگ کے لیے ساڑھے 6 کروڑ روپے دیئے جائیں گے جب کہ سندھ پولیس کو 500 بلٹ پروف جیکٹس، ائن ایم ایم، جی تھری اور ایس ایم جی اور ہیلمٹس بھی فراہم کیے جائیں گے۔ ترجمان پاک فوج کے مطابق سامان فراہم کرنے کی تقریب آج کورہیڈ کوارٹر میں ہوگی جس میں تمام سامان آئی جی سندھ کے حوالے کیا جائے گا۔