یونس خان نے پاک بھارت کرکٹ سیریزکو ایشین ایشز قرار دے دیا

قطرمیں سپرلیگ کےانعقاد سےپی سی بی کےبین الاقوامی سطح پر رابطے مضبوط اوراس سے قومی کرکٹرز کو بھی فائدہ ہوگا، یونس خان۔ فوٹو : اے ایف پی

---

یونس خان نے پاک بھارت کرکٹ سیریزکو ایشین ایشز قرار دے دیا، ملتان میں میڈیا سے بات چیت کرتے ہوئے انھوں نے کہا کہ دنیا بھر کے شائقین روایتی حریف ٹیموں کو ایکشن میں دیکھنے کے لیے بے صبری سے انتظار کررہے ہیں۔

یونس خان کا کہنا تھا کہ دونوں ممالک سیاسی معاملات کو حل کریں تاکہ دنیائے کرکٹ کے سب سے مقبول ترین مقابلوں کا انعقاد ممکن ہوسکے۔ورلڈ ٹی ٹوئنٹی کے حوالے سے انھوں نے کہا کہ قومی ٹیم بہت مضبوط اور سیمی فائنل تک ضرور رسائی حاصل کرے گی، یونس خان نے کہا کہ قطر میں سپر لیگ کے انعقاد سے پی سی بی کے بین الاقوامی سطح پر رابطے مضبوط اوراس سے قومی کرکٹرز کو بھی فائدہ ہوگا۔