سنی لیون اور ایشوریا رائے پہلی بار ایک ساتھ جلوہ گر ہوں گی

فلمساز کرن جوہر کی فلم میں ایشوریا رائے، رنبیر کپور اور انوشکا شرما مرکزی کردار ادا کریں گے ، فوٹو:فائل

---

بالی ووڈ میں اپنی بے باک اداکاری اور بولڈ مناظر کی عکس بندی کے حوالے سے مشہور اداکارہ سنی لیون سابق حسینہ عالم ایشوریا رائے کی فلم''اے دل ہے مشکل'' میں مختصر کردار میں جلوہ گر ہوں گی۔

بالی ووڈ اداکارہ سنی لیون کی انڈسٹری کے بڑے ناموں کے ساتھ اداکاری کرنے کا خواب شرمندہ تعبیر ہونےجارہا ہے جب کہ سپر اسٹار اکشے کمار کی نئی آنے والی فلم ''سنگھ از بلنگ'' میں اداکاری کے بعد اب وہ نامور فلمسازکرن جوہر کی فلم میں اداکاری کے جوہر دکھائیں گی۔

میڈیا رپورٹس کے مطابق فلمساز کرن جوہر کی فلم ''اے دل ہے مشکل'' میں سابق حسینہ عالم ایشوریا رائے بچن، چاکلیٹی ہیرو رنبیر کپور اور انوشکا شرما مرکزی کردار ادا کریں گے تاہم اداکارہ سنی لیون پہلی بار فلم میں بڑے اداکاروں کے ساتھ مختصر کردار میں جلوہ گر ہوں گی۔

واضح رہے کہ اداکارہ سنی لیون متعدد بار انڈسٹری کے ڈائریکٹرز کی جانب سے فلموں میں انہیں کام نہ دینے کے حوالے سے امتیازی سلوک کا اظہار کرچکی ہیں۔