کاؤنٹر ٹیررازم ڈیپارٹمنٹ نے منگھوپیر میں کارروائی کرکے کالعدم تحریک طالبان کے 3 دہشت گردوں کو گرفتار کرلیا۔

کاؤنٹرٹیررازم ڈیپارٹمنٹ کے حکام کے مطابق کراچی کے علاقے منگھو پیر میں کارروائی کرکے 3 دہشت گردوں کو گرفتار کیا گیا جن کا تعلق کالعدم تحریک طالبان سے ہے۔ سی ٹی ڈی حکام کا کہنا ہےکہ گرفتار دہشت گردوں کے قبضے سے 3 پستول، دستی بم اور دھماکا خیز مواد برآمد کیا گیا ہے جب کہ دہشت گرد اعلیٰ حکومتی شخصیات کو نشانہ بنانا چاہتے تھے۔