ملالہ اور ان کے خاندان کو امریکا میں سیاسی پناہ دی جائے شیلا جیکسن

شیلا جیکسن نے حکومت پاکستان سے بھی مطالبہ کیا کہ وہ ملالہ پر حملے کی گھناؤنی حرکت کی تفتیش کر کے ملزمان کو انصاف کے کٹہرے میں لائے۔ فوٹو: فائل

---

امریکی ایوان نمائندگان کی رکن شیلا جیکسن نے ملالہ اوران کے خاندان کو سیاسی پناہ دینے کے لئے اوباما انتظامیہ سے درخواست کی ہے۔

شیلا جیکسن نے وزیرخارجہ ہلیری کلنٹن کو ایک خط لکھا ہے جس میں ان سے درخواست کی گئی ہے کہ وہ ملالہ اور ان کے خاندان کو درپیش خطرات کے پیش نظر امریکا میں سیاسی پناہ دینے کے معاملے پر غور کریں۔

شیلا جیکسن نے حکومت پاکستان سے بھی مطالبہ کیا کہ وہ ملالہ پر حملے کی گھناؤنی حرکت کی تفتیش کر کے ملزمان کو انصاف کے کٹہرے میں لائے۔ انہوں نے کہا کہ پاکستان کی فوج نے اس سلسلے میں مؤثر اقدامات کیے ہیں۔