کراچی میں نامعلوم افراد کی فائرنگ سے 2 ٹریفک پولیس اہلکار جاں بحق

جاں بحق ٹریفک پولیس اہلکاروں کی شناخت نظام حسین اور محمد شیر کے نام سے ہوئی ہے، پولیس۔ فوٹو : محمد نعمان

---

نیپا چورنگی کے قریب نامعلوم موٹر سائیکل سوار ملزمان کی فائرنگ سے 2 ٹریفک پولیس اہلکار جاں بحق ہوگئے۔

ایکسپریس نیوزکے مطابق کراچی کے علاقے نیپا چورنگی کے قریب موٹر سائیکل سوار ملزمان نے ٹریفک پولیس اہلکاروں پر اندھا دھند فائرنگ کردی جس کے نتیجے میں دونوں اہلکار جاں بحق ہوگئے۔ پولیس کے مطابق اہلکار نیپا کے قریب اتوار بازار میں ڈیوٹی پرمامور تھے کہ موٹرسائیکل پرسوارنا معلوم ملزمان نے فائرنگ کردی جس کے نتیجے میں دونوں اہلکار موقع پر ہی دم توڑ گئے، جاں بحق ٹریفک پولیس اہلکاروں کی شناخت نظام حسین اور محمد شیر کے نام سے ہوئی ہے۔