جلد پروڈکشن ہاؤس کاآغاز بھی کردوں گا نانا پاٹیکر

اداکاری کے شعبے سے الگ نہیں ہوا مستقبل میں بھی اداکاری کرتا رہوں گا، نانا پاٹیکر۔ فوٹو : فائل

---

بالی ووڈ اداکار نانا پاٹیکر نے کہا ہے کہ بطور ہدایتکار بائیوگرافک فلم بنارہاہوں جب کہ جلد ہی پروڈکش ہاؤس کا آغاز بھی کردوں گا۔

یہ بات انھوں نے ایک انٹرویو کے دوران کہی ناناپاٹیکر کا کہنا تھا کہ میں جلد ایک پروڈکشن ہاؤس کا آغاز بھی کروں گا جس کے انتظامات میرے بیٹے کے حوالے ہوں گے تاہم پروڈکشن میں مرضی کا کام کروں گاانھوں نے کہا کہ ایسی بہت سی فلمیں ہیں جو میں بنانا چاہتا ہوں میں زیادہ تر سنجیدہ فلمیں بناؤں گا۔

انھوں نے مزید کہا کہ یہ ضروری نہیں کہ میں پروڈکشن ہاؤس کی بنائی ہوئی ہر فلم کا حصہ بنوں تاہم ضرورت کے مطابق اداکاری کروں گا انھوں نے کہا کہ میں اداکاری کے شعبے سے الگ نہیں ہوا مستقبل میں بھی اداکاری کرتا رہوں گا انھوں نے کہا کہ بطور ہدایتکاری ایک بائیوگرافک فلم بنا رہا ہوں۔