مختلف شہروں میں پٹرول نایاب آئل ٹینکرز کی ہڑتال ختم سروسز ٹیکس مؤخر

کراچی میں 90 فیصد سے زائد پمپوں پر پیٹرول دستیاب نہیں جس کے باعث شہریوں کو شدید مشکلات کا سامنا ہے

ویب ڈیسک September 01, 2015

کراچی میں 90 فیصد سے زائد پمپوں پر پیٹرول دستیاب نہیں جس کے باعث شہریوں کو شدید مشکلات کا سامنا ہے۔ فوٹو: ایکسپریس/ محمد ثاقب

آئل ٹینکرزمالکان کی ہڑتال کے باعث ملک کے مختلف شہروں میں پٹرول کی قلت رہی، شہری طویل قطاروں میں لگ کرخوار ہوتے رہے۔

https://img.express.pk/media/images/q51/q51.webp

پٹرولیم ڈیلرز ایسوسی ایشن کے سیکریٹری اطلاعات خواجہ عاطف نے کہا کہ شہریوں نے قیمتوں میں کمی کے امکان کے باعث گاڑیوں میں پٹرول ذخیرہ نہیں کیا تھا اورکمی کے اعلان کے بعد پٹرول پمپس کا رخ کرلیا جس کے باعث قطاریں لگ گئیں،لاہور کے 90 فیصد پمپس پر پٹرول کی فراہمی جاری رہی۔ ڈی سی او لاہورکیپٹن (ر) محمد عثمان نے پرائس کنٹرول مجسٹریٹس، ٹاؤن ایڈمنسٹریشن اوراسسٹنٹ کمشنرز کو پیر کی شب رات 12 بجے نئے ریٹس پر عمل درآمد کروانے کے لیے فیلڈ میں جانے کی ہدایت کی جس پر چھا پہ مار ٹیموں نے شہر میں فنکشنل 305 پٹرول پمپوں کو اچانک چیک کیا صرف ایک پٹرول پمپ پر اوورچارجنگ کی شکایت موصول ہوئی اور اس کے منیجر کو حراست میں لے لیا گیا جب کہ جان بوجھ کر تیل نہ خریدنے والے6پمپوں کوسیل کر دیاگیا اور ان کے منیجرز کو حراست میں لے لیا گیا۔

https://img.express.pk/media/images/q61/q61.webp

https://img.express.pk/media/images/karachi1/karachi1.webp

کراچی کے 90 فیصد سے زائد پمپوں پر پٹرول دستیاب نہ ہونے کی وجہ سے شہریوں کو شدید مشکلات کا سامنا کرنا پڑا۔ اسلام آباد، راولپنڈی، فیصل آباد، حیدرآباد، سکھر، میرپورخاص، کوئٹہ اور دیگر شہروں میں بھی پٹرول کی قلت رہی۔ آئل ٹینکرز کنٹریکٹرز ایسوسی ایشن کے صدر سلیمان ترین نے بتایا کہ سیکریٹری پٹرولیم سے سروسزٹیکس کے معاملے پر منگل کو بات چیت کرکے تحفظات سے آگاہ کیا جس کے بعد سیکریٹری پٹرولیم نے پنجاب کے اعلی حکام کوٹیکس کا نفاذ دسمبر تک موخر کرنے کی ہدایت کی، انھوں نے کہا کہ حکومت سندھ پہلے ہی سروسز ٹیکس دسمبر تک موخر کر چکی ہے، سلیمان ترین نے بتایا کہ وفاقی حکومت کی جانب سے ٹرانسپورٹیشن سروسز ٹیکس 16فیصد عائد کیا گیا ہے جو آئل ٹینکرز مالکان کے لیے ناقابل قبول ہے، ہمارا حکومت سے بدستور یہ مطالبہ ہے کہ سروسز ٹیکس کو مکمل ختم کیا جائے تاہم حکومت کی جانب سے ٹیکس کا نفاذ دسمبر تک موخر کیے جانے کے بعد ایسوسی ایشن نے بھی ہڑتال ختم کر دی ہے۔

https://img.express.pk/media/images/q71/q71.webp

سیکریٹری پٹرولیم ارشد مرزا نے ایک بیان میں کہا کہ ملک میں پٹرولیم مصنوعات بالخصوص پٹرول اورڈیزل کا وافر اسٹاک موجود ہے، اس وقت 2 لاکھ میٹرک ٹن پٹرول موجود ہے جو اگلے 13 دنوں کی ضروریات پوری کرنے کے لیے کافی ہے۔ آئندہ 37دنوں کے لیے 7 لاکھ51ہزار میٹرک ٹن ڈیزل بھی دستیاب ہے۔

https://img.express.pk/media/images/q8/q8.webp

ڈائریکٹر جنرل آئل عبدالجبار میمن کے مطابق پٹرولیم مصنوعات کی قلت کا تاثر بالکل غلط ہے، پٹرول پمپس پر سپلائی کی صورتحال میں مشکلات کے باعث مصنوعی قلت پیدا کرنے کی کوشش کی گئی ہے۔