شمالی وزیرستان میں امریکی جاسوس طیارے کا حملہ 4 افراد ہلاک

امریکی جاسوس طیارے نے کروندا کے مقام پر ایک مکان پر دو میزائل داغے جس سے مکان مکمل طور پر تباہ ہوگیا، فوٹو:فائل

---

شمالی وزیرستان کی تحصیل دتہ خیل میں امریکی جاسوس طیارے کے حملے میں 4 افراد ہلاک ہوگئے۔

ایکسپریس نیوز کے مطابق شمالی وزیرستان کی تحصیل دتہ خیل امریکی جاسوس طیارے کے ڈرون حملے میں 4 افراد ہلاک ہوگئے جب کہ متعدد کے زخمی ہونے کی اطلاع ہے۔ ذرائع کےمطابق امریکی جاسوس طیارے نے کروندا کے مقام پر ایک مکان پر دو میزائل داغے جس سے مکان مکمل طور پر تباہ ہوگیا۔ ذرائع کا کہنا ہے جاسوس طیارے نے علاقےمیں نچلی پروازیں کیں جس سے علاقے میں شدید خوف و ہراس پھیل گیا۔