آرمی چیف نے 5 دہشت گردوں کی سزائے موت کی توثیق کردی آئی ایس پی آر

فوجی عدالت نے 5 دہشت گردوں کو سزائے موت اور ایک کو عمر قید کی سزا سنائی، آئی ایس پی آر فوٹو: فائل

---

آرمی چیف جنرل راحیل شریف نے فوجی عدالت سے سزائے موت پانے والے 5 دہشت گردوں کی سزا کی توثیق کردی۔

ترجمان پاک فوج میجر جنرل عاصم باجوہ کا سماجی رابطے کی ویب سائٹ ٹوئٹر پرکہنا تھا کہ فوجی عدالت نے 5 دہشت گردوں کو سزائے موت اور ایک کو عمر قید کی سزا سنائی جس کی آرمی چیف جنرل راحیل شریف نے توثیق کردی۔

آئی ایس پی آر کے مطابق پانچوں مجرم کراچی کے علاقے گڈاپ میں پولیس افسران کے قتل، بنوں جیل توڑنے،خیبرپختونخوا میں پولیوٹیموں پرحملوں میں ملوث تھے، سزائے موت پانے والے دہشت گردوں میں محمد صابرشاہ،حافظ محمد عثمان،اسد علی ، طاہراور فتح خان شامل ہیں جب کہ عمر قید کی سزا پانے والے دہشت گرد کا نام قاری امین شاہ ہے۔

Mil Court Progress:#COAS confirms death sentence of another 5 hard core terrorists involved in killings;Lhr advocate,Qta sectarian killing-1

— Gen(R) Asim Saleem Bajwa (@AsimBajwaISPR) September 2, 2015

 

ترجمان پاک فوج کے مطابق دہشت گرد خیبرپختونخوا میں لڑکیوں کے اسکول سمیت پولیو ٹیم پرحملوں میں ملوث ہونے علاوہ کراچی کے علاقے گڈاپ میں پولیس افسران کے قتل اور جیل توڑنے میں بھی ملوث تھے۔

..police offr at Gadab Kci,breaking Bxu Jail,attk girls school&polio team in Khyber.6th terrorist awarded life imprisonment.Details follow-2

— Gen(R) Asim Saleem Bajwa (@AsimBajwaISPR) September 2, 2015