سلمان خان ایک بار پھر ’’بگ باس‘‘ میں جلوہ گر ہوں گے

سلمان خان کے ٹی وی شو’’بگ باس سیزن 9‘‘ کی میزبانی سے متعلق بھارتی ٹی وی چینل نے بھی تصدیق کی ہے، فوٹو : فائل

---

LONDON: بالی ووڈ کے دبنگ سپر اسٹار سلمان خان مشہور ٹی وی رئیلٹی شو''بگ باس '' کے ''سیزن 9'' کی میزبانی کے فرائض سرانجام دیں گے۔

بالی ووڈ اسٹار سلمان خان فلمی کیرئیر کے ساتھ ساتھ گلوکاری اور میزبانی کے میدان میں بھی مصروف عمل ہیں جب کہ وہ فلموں میں پلے بیک سنگر کے طور پر کئی گیت گا چکے ہیں اس کے ساتھ سلمان خان ٹی وی رئیلٹی شو''بگ باس'' کی میزبانی کے فرائض بھی سرانجام دیتے آئے ہیں۔

میڈیا رپورٹس کے مطابق بھارتی ٹی وی کے مشہور رئیلٹی شو ''بگ باس سیزن 8'' کی میزبانی کے بعد سلمان خان نے انتظامیہ سے اختلافات کے باعث اگلے سیزن کے لیے میزبانی کے فرائض سرانجام دینے سے انکار کردیا تھا جس کے بعد اگلے سیزن کی میزبانی کے لیے انہیں منانے کی کوششیں کی جاتی رہیں اور دبنگ خان نے ٹی وی شو کی میزبانی کے لیے آمادگی ظاہر کردی ہے۔ اپنے ٹوئٹ پیغام میں دبنگ خان نے ''بگ باس سیزن 9'' کی میزبانی کی تصدیق کردی ہے۔

Bigg boss season 9 is mine . #biggboss9 promo shoot . @rajcheerfull @ColorsTV pic.twitter.com/kr6Gflxf2U

— Salman Khan (@BeingSalmanKhan) September 4, 2015

سلمان خان کے ٹی وی شو''بگ باس سیزن 9'' کی میزبانی سے متعلق بھارتی ٹی وی چینل نے بھی تصدیق کی ہے۔

https://twitter.com/rajcheerfull/status/639718533904105472