کراچی میں نمائشی میچز کا پُرامن انعقاد دنیا کو مثبت پیغام دیگا چیئرمین پی سی بی

سندھ حکومت بھی بڑی تندہی سے سیکیورٹی اور دیگر امور میں معاونت کررہی ہے، ذکا اشرف فوٹو: فائل

---

چیئرمین پی سی بی ذکا اشرف نے کہا کہ کراچی میں غیرملکی کھلاڑیوں کی آمد خوش آئند ہے۔

ایونٹ کی کامیابی سے ملک کا تاثر بہتر بنانے میں مدد ملے گی، میڈیا سے بات چیت میں انھوں نے کہا کہ ڈاکٹر محمد علی شاہ کی کوششیں سراہے جانے کے لائق ہیں، ان کے ساتھ پی سی بی نے ہر ممکن تعاون کرنے کی کوشش کی ہے۔

قومی کرکٹرز کو میچز میں شرکت کی اجازت دی، اسٹیڈیم اور دیگر سہولتیں بھی فراہم کیں، سندھ حکومت بھی بڑی تندہی سے سیکیورٹی اور دیگر امور میں معاونت کررہی ہے، مقابلوں کا پُرامن انعقاد دنیا کو مثبت پیغام دے گا۔