نسیم وکی کا نیا ڈرامہ ’’ کامیڈی نائٹس بچاؤ ‘‘ آن ائیرہوگیا

نسیم وکی 9ستمبر کو بھارت سے وطن واپس لوٹیں گے اور پھر 17ستمبر کو حج کی سعادت حاصل کرنے حجاز مقدس روانہ ہوجائیں گے۔ فوٹو : فائل

---

اداکار نسیم وکی کا نیا کامیڈی کھیل'' کامیڈی نائٹس بچاؤ '' بھارتی چینل پرآن ائیرہوگیا۔

اس موقع پرشوکے پہلے مہمان بالی وڈاسٹاراورفلم میکرسہیل خان اوربھارتی پنجاب سے تعلق رکھنے والے معروف گلوکار میکا سنگھ تھے۔ نسیم وکی نے فون پر ''ایکسپریس'' سے بات کرتے ہوئے کہا کہ انڈیا میں کافی پذیرائی ملتی ہے اور یہ سب اللہ تعالیٰ کے بعد میری والدہ کی دعاؤں کا نتیجہ ہے۔

میری والدہ کا گزشتہ ماہ انتقال ہوا ہے لیکن ان کی دعائیں میرے ساتھ ہیں۔ انھوں نے کہا کہ وہ سب سے پہلے پاکستانی اور بعد میں فنکار ہیں۔

انڈیا کے بڑے فنکاروں کے ساتھ مزید پروگرام ریکارڈ کروا دیے ہیں جب کہ آئندہ دنوں میں بھی شیڈول کے مطابق پروگرام ریکارڈ کیے جائینگے۔ واضح رہے کہ نسیم وکی 9ستمبر کو بھارت سے وطن واپس لوٹیں گے اور پھر 17ستمبر کو حج کی سعادت حاصل کرنے حجاز مقدس روانہ ہوجائیں گے۔