افغانستان میں نامعلوم مسلح افراد کی فائرنگ سے 13 شہری جاں بحق ہوگئے۔

ذرائع ابلاغ کے مطابق افغان صوبہ بلخ میں 2 بسوں میں سفر کرنے والے مسافر فائرنگ کا نشانہ بنے، مسلح افراد نے 2 بسوں کے مرد مسافروں کو باہر نکال کر قطار میں کھڑا کیا اور فائرنگ کر کے 13 افراد کو ہلاک کر دیا، حملہ آوروں نے ایک خاتون کو قتل نہیں کیا۔

مرنے والے افراد کا تعلق ہزارہ کمیونٹی سے تھا، کسی بھی گروپ نے حملے کی ذمے داری قبول نہیں کی ہے، صوبہ بلخ کے ضلع زاری کے گورنر جعفر حیدری نے ہلاکتوں کی تصدیق کردی۔