فلموں کو سنسر سرٹیفکیٹ نہ ملنے پرکاراووڈ فلم فیسٹیول تاخیر کا شکار

فلم فیسٹیول میں 11 ملکوں کی تقریباً60 فلموں کی نمائش کی جائے گی

نمرہ ملک September 08, 2015

فلم فیسٹیول میں 11 ملکوں کی تقریباً60 فلموں کی نمائش کی جائے گی۔ فوٹو : فائل

کاراووڈ فلم فیسٹیول تا خیر کا شکار ہو گیا، فیسٹیول کا آغاز 7 ستمبر سے ہونا تھا لیکن سینٹرل سنسر بورڈ سے سرٹیفکیٹ ریلیز نہ ہونے کے باعث فلم فیسٹیول میں تاخیر ہورہی ہے۔

ان خیالات کا اظہار کاراووڈ فیسٹیول کے منتظم عدنان بشیر نے ایکسپریس سے خصوصی گفتگو کرتے ہوئے کیا۔ انھوں نے کہا کہ فلموں کے سرٹیفکیٹ اب تک سینٹرل سنسر بورڈ سے جاری نہیں ہوئے، امید ہے کہ جلد جاری ہوجائیں گے۔

فلم فیسٹیول میں 11 ملکوں کی تقریباً60 فلموں کی نمائش کی جائے گی۔ سنی پیکس سینما کے سی ای او ہاشم رضا کا کہنا تھا کہ سنسر بورڈ کو انگریزی اور ہندی فلمیں پاس کرنے میں دیری نہیں لگتی لیکن چینی اور ایرانی زبان کی فلموں کو پاس کرنے میں مشکل پیش آرہی ہے۔ کاراووڈ فیسٹیول کے منتظم عدنان بشیرکا کہنا ہے کہ اگر سنسر سرٹیفکیٹ مل جاتا ہے تو فلم فیسٹیول کا آغازآج (منگل) سے کردیں گے۔