وہاڑی میں قتل کے مجرم بھائیوں کو پھانسی دے دی گئی

ملک بھر میں سزائے موت کے مجرموں کو پھانسی دینے کا سلسلہ جاری ہے۔ فوٹو: فائل

---

ڈسٹرکٹ جیل میں قتل کے مجرم 2 بھائیوں کو تختہ دار پر لٹکا دیا گیا۔

ایکسپریس نیوز کے مطابق ڈسٹرکٹ جیل وہاڑی میں قتل کے 2 مجرم بھائیوں کو علی الصبح پھانسی دے دی گئی۔ اس موقع پر جیل کے اندر اور اطراف سیکیورٹی کے سخت انتظامات کئے گئے تھے اور کسی بھی شخص کو جیل کی طرف آنے کی اجازت نہیں تھی۔

دونوں بھائیوں کی لاشیں طبی معائنے کے بعد ورثا کے حوالے کر دی گئیں۔ بشیر اور اس کے بھائی نے زمین کے تنازع پر2001 میں 2 افراد کو قتل کیا تھا۔

واضح رہے کہ ملک بھر میں سزائے موت کے مجرموں کو پھانسی دینے کا سلسلہ جاری ہے اور اب تک تقریبا 300 مجرموں کو پھانسی دی جا چکی ہے۔