ٹیکسلا میں گاڑی سے بھاری مقدار میں اسلحہ و بارود برآمد ملزم گرفتار

گرفتار ملزم سے کوئی ایسی دستاویز برآمد نہیں ہوئی جس سے ثابت ہوا کہ یہ بارودی مواد پہاڑوں کو توڑنے کے لئے لے جایا جا رہا تھا، پولیس۔ فوٹو: فائل

---

جی ٹی روڈ پر گاڑی سے بڑی مقداد میں ڈیٹونیٹر اور بارودی مواد برآمد کر کے ایک ملزم کو گرفتار کر لیا گیا۔

ایکسپریس نیوز کے مطابق پولیس نے پشاور سے راولپنڈی آنے والی گاڑی کی ٹیکسلا میں جی ٹی روڈ پر تلاشی لی تو اس سے 200 ڈیٹو نیٹر، بارودی مواد اور تاریں برآمد کر کے ایک ملزم کو گرفتار کر لیا۔

گرفتار ملزم احسن کا کہنا ہے کہ وہ یہ ڈیٹونیٹر پہاڑوں کو توڑنے والی کمپنی کے لئے لے کر جا رہا تھا جب کہ پولیس کا کہنا ہے کہ اس کام کے لئے باقاعدہ طور پر لائسنس ہوتا ہے تاہم گرفتار ملزم سے کوئی ایسی دستاویز برآمد نہیں ہوئی جس سے ثابت ہوا کہ یہ بارودی مواد پہاڑوں کو توڑنے کے لئے لے جایا جا رہا تھا۔