رشی کپور بھی بھارت میں گوشت پر پابندی کے خلاف بول پڑے

ملک میں کبھی رادھا ماں اور کبھی گوشت پر پابندی لگائی جاتی ہے جو سمجھ سے بالاتر ہے، رشید کپور، فوٹو:فائل

---

بالی ووڈ کے لیجنڈری اداکار رشی کپور اپنے بے باک خیالات کے باعث کافی شہرت رکھتے ہیں اور کئی معاملات پر کھل کر تنقید کرتے ہیں جب کہ اب وہ مہاراشٹرا حکومت کی جانب سے گوشت پر پابندی کے خلاف بول پڑے ہیں۔

بالی ووڈ اداکار رشی کپور فلموں میں جاندار اداکاری کے ساتھ ساتھ اپنی بے باک گفتگو کے باعث بھی اچھی خاصی شہرت رکھتے ہیں جب کہ وہ سوشل میڈیا پر بھی مختلف معاملات پر اپنے خیالات سے مداحوں کو آگاہ کرتے رہتے ہیں جس کی وجہ سے انہیں کافی تنقید کا سامنا بھی کرنا پڑتا ہے تاہم اب انہوں نے مہاراشٹرا حکومت کی جانب سے گوشت کی خرید و فروخت پر پابندی کے خلاف آواز اٹھائی ہے۔

اداکار رشی کپور نے سماجی رابطوں کی ویب سائٹ ٹوئٹر پر اپنے بیان میں کہا کہ بھارت میں مختلف معاملات میں مذہب کے استعمال کا سلسلہ بند کیا جائے جب کہ ملک میں کبھی رادھا ماں اور کبھی گوشت پر پابندی لگائی جاتی ہے جو سمجھ سے بالاتر ہے۔

Jaago India Jaago. Stop all this in the name of religion.All taking the nation for a ride. Kabhi Radhe baby Kabhi meat ban! Kya ho raha hai?

— Rishi Kapoor (@chintskap) September 9, 2015

دوسری جانب بالی ووڈ اداکارہ سونم کپور اور سوناکشی سنہا بھی گوشت پر پابندی کے خلاف آواز اٹھا چکی ہیں جس کے بعد انہیں کافی تنقید کا سامنا کرنا پڑ رہا ہے۔

https://twitter.com/sonakshisinha/status/641293960498016256

واضح رہے کہ گزشتہ دنوں بھارتی ریاست مہاراشٹرا میں گائے کا گوشت رکھنے اور فروخت کرنے پر پابندی عائد کردی گئی تھی جب کہ حال ہی میں مقبوضہ کشمیر میں بھی گائے کے گوشت کی خریدو فروخت پر پابندی عائد کردی گئی ہے۔