کراچی کے علاقے کورنگی میں رینجرز کی کارروائی 4 دہشت گرد ہلاک

کورنگی میں رینجرز سے مقابلے میں 4 دہشت گرد ہلاک ہوگئے جب کہ فائرنگ سے ایک رینجرز اہلکار بھی زخمی ہوا۔


ترجمان رینجرز کے مطابق کراچی میں ٹارگٹ کلنگ کے ملزموں کی گرفتاری کے لیے مہم شروع کردی گئی ہے اور اس سلسلے میں رینجرز نے وکیل حسنین بخاری کے قاتلوں کی موجودگی کی اطلاع پر کورنگی میں سرجیکل آپریشن کیا تو علاقے میں موجود دہشت گردوں نے فائرنگ کردی جس کے بعد رینجرز کی جوابی کارروائی میں 4 دہشتگرد ہلاک ہوگئے جب کہ فائرنگ کے تبادلے میں ایک رینجرز اہلکار بھی زخمی ہو۔

دوسری جانب پولیس کا کہنا ہے کہ شرف آباد میں ڈی ایس پی سہیل عباس کی گاڑی پرفائرنگ ہوگئی جس کے نتیجے میں وہ زخمی ہوگئے جنہیں فوری طبی امداد کے لیے اسپتال منتقل کیا گیا۔