خوش لباسی ِتری کمال کی ہے

لباس تن کو ڈھانپتا اور سرد وگرم سے بچاتا ہی نہیں، یہ شخصیت کو جاذبیت، دل کشی اور نیاپن بھی عطا کرتا ہے۔

مختلف رنگوں اور منفرد تراش خراش کے لباس، پہننے والے کو جاذب نظر بناتے ہیں اور اسے انفرادیت دیتے ہیں ۔ ملبوسات پر کی جانے والی ڈیزائننگ لباس کو نیا انداز اور انوکھی خوب صورتی عطا کر دیتے ہیں۔




یہی ماجرا ہے طویل گھیرے دار قمیصوں کے رواج کا۔۔۔ جو خواتین کو اتنا پسند آیا ہے کہ اس پر نقش ونگار کے طرح طرح کے تجربے کیے جا رہے ہیں۔

مختلف رنگوں کو اپنا پیرہن کرکے خوش لباسی کے ذوق کی تسکین کی جا رہی ہے۔ یہ قمیصیں ماضی میں بے حد مقبول رہنے والے ملبوسات کی یاد دلاتی ہیں، تب ہی اس لباس کو ہمارے سماج میں اس قدر بھرپور قبولیت عطا ہوئی ہے۔