کوئٹہ میں ایف سی کی کارروائی کالعدم تنظیم کے 5 دہشت گرد گرفتار

ملزمان دہشت گردی کی کئی وارداتوں میں ملوث ہیں اور ان کے قبضے سے اسلحہ بھی برآمد کیا گیا ہے، ترجمان ایف سی، فوٹو:فائل

---

ایف سی نے مشکے میں کارروائی کے دوران 5 دہشت گردوں کو گرفتار کرلیا جن کے قبضے سے اسلحہ بھی برآمد کیا گیا ہے۔

ترجمان ایف سی کے مطابق کوئٹہ کے علاقے میں مشکے میں خفیہ اطلاع پر کارروائی کی گئی جس کے نتیجے میں 5 دہشت گردوں کو گرفتار کرلیا گیا۔ ترجمان ایف سی کا کہنا تھا کہ گرفتار دہشت گردوں کا تعلق کالعدم تنظیم سے ہے جو دہشت گردی کی کئی کارروائیوں میں بھی ملوث ہیں جب کہ ان کے قبضے سے بھاری مقدار میں اسلحہ و گولا، بارود بھی برآمد کرلیا گیا۔