کراچی کے علاقے گلشن اقبال میں مبینہ پولیس مقابلہ 4 ڈاکو ہلاک

پولیس نے جوابی کاروائی کرتے ہوئے 4 ڈاکو کو ہلاک کر دیا. فوٹو : فائل

---

گلشن اقبال میں ڈسکو بیکری کے قریب مبینہ پولیس مقابلے میں 4 ڈاکو ہلاک ہو گئے۔

ایس ایس پی گلشن اقبال ٹاون عاصم قائم خانی کے مطابق 4 ڈاکو عبدالصمد نامی شہری کے بنگلے ڈی ون میں داخل ہوگئے اور اہل خانہ کو یرغمال بنا کرلوٹ مارشروع کردی۔ ون فائیو پراطلاع ملنے پر پولیس موقع پر پہنچی تو ڈاکووں نے فائرنگ کردی۔

ایس ایچ او حسیب بیگ کےمطابق پولیس نے حکمت عملی کے تحت ڈاکووں کو فرار ہونے کےلئے جھانسہ دیا اور جب ملزمان نے لوٹے گئے سامان سمیت بھاگنے کی کوشش کی تو انھیں روکنے پر دونوں طرف سے فائرنگ کا تبادلہ شروع ہوگیا۔ پولیس مقابلے میں چاروں ڈاکو مارے گئے۔