لاہور کے مال روڈ پر باراتیوں کی بس کو حادثہ 14 افراد زخمی

باراتیوں سے بھری بس گڑھی شاہو جاتے ہوئے مال روڈ انڈر پاس پر الٹ گئی، فوٹو: ایکسپریس نیوز

---

مال روڈ انڈر پاس پر باراتیوں کی بس الٹ گئی جس کے نتیجے میں 14 افراد زخمی ہوگئے۔

ایکسپریس نیوز کے مطابق لاہور میں باراتیوں سے بھری بس گڑھی شاہو جاتے ہوئے مال روڈ انڈر پاس پر الٹ گئی جس کے نتیجے میں 14 باراتی زخمی ہوگئے جنہیں طبی امداد کے لیے اسپتال منتقل کردیا گیا جب کہ تمام زخمیوں کو معمولی چوٹیں آئی ہیں۔

نمائندہ ایکسپریس کے مطابق ڈرائیور نے بس کو انڈر پاس سے گزارنے کی کوشش کی تاہم بس کی چھت اونچی ہونے کے باعث اس کی چھت انڈر پاس سے جا ٹکرائی جس کے نتیجے میں بس الٹ گئی جب کہ بس میں 40 سے 50 باراتی سوار تھے۔