ایشوریا رائے فلم’’جذبہ‘‘ کی  شوٹنگ کے دوران رو پڑیں

فلم میں اداکارہ ایشوریا رائے خاتون وکیل اور اداکارعرفان خان ایک معطل پولیس افسر کا کردار ادا کر ر رہے ہیں، فوٹو: فائل

---

سابق حسینہ عالم اور بالی ووڈ اداکارہ ایشوریا رائے فلم''جذبہ'' کی شوٹنگ کے آخری روز اپنے جذبات پر قابو نہ رکھ سکیں اوربے اختیار ان کی آنکھوں سے آنسورواں ہوگئے۔

بالی ووڈ اداکارہ ایشوریا رائے بچن طویل عرصہ فلم نگری سے کنارہ کشی کے بعد فلمساز سنجے گپتا کی فلم''جذبہ'' میں جلوہ گر ہو رہی ہیں جب کہ فلم میں ان کے مدمقابل اداکار عرفان خان مرکزی کردار ادا کررہے ہیں۔ فلم میں اداکارہ ایشوریا رائے خاتون وکیل اور اداکارعرفان خان ایک معطل پولیس افسر کا کردار ادا کر ر رہے ہیں۔

میڈیا رپورٹس کے مطابق فلمساز سنجے گپتا کی فلم''جذبہ'' کی شوٹنگ 51 روز مختلف مقامات پر جاری رہی جب کہ شوٹنگ کے آخری روز اداکارہ ایشوریا رائے بچن فرط جذبات پر قابو نہ رکھ سکیں اور اشکبار ہو گئیں۔

واضح رہے کہ فلم ''جذبہ'' 9 اکتوبر کو ریلیز کی جائے گی۔