ہیرو کی کامیابی کرن جوہر نے اتھیا شیٹی کو اپنی فلم کی پیشکش کر دی

فلم ’’ہیرو‘‘ ریلیز کے پہلے ہفتے کے دوران بھارتی سینماگھروں میں 21کروڑ 20 لاکھ کاکاروبار کرچکی ہے۔

Showbiz Desk September 16, 2015

فلم ’’ہیرو‘‘ ریلیز کے پہلے ہفتے کے دوران بھارتی سینماگھروں میں 21کروڑ 20 لاکھ کاکاروبار کرچکی ہے۔ فوٹو : فائل

سلمان خان کی پروڈکشن میں بنائی جانے والی فلم ہیرو سے بالی ووڈ میں انٹری دینے والی اداکار سنیل شیٹی کی بیٹی اتھیہ کو فلم ساز کرن جوہر نے اپنی نئی فلم میں مرکزی کردار کی پیشکش کردی ۔

بتایا گیاہے کہ کرن جوہر نے ہیرو کی باکس آفس پر کامیابی کو دیکھتے ہوئے اتھیہ کو کاسٹ کرنے کا فیصلہ کیااور ''ہیرو'' کی ہیروئن کو اپنی نئی فلم کا اسکرپٹ دیدیا ہے ۔ ذرائع کا کہنا ہے کہ جس وقت کرن جوہر نے اداکارہ سے رابطہ کیا اوراپنی فلم کااسکرپٹ انھیں پڑھنے کے لیے دیا وہ بہت ایکسائٹڈ دکھائی دے رہی تھیں مگر کرن جوہر نے انھیں کہا ہے کہ وہ اسکرپٹ پڑھے بغیر کوئی فیصلہ نہ کریں اور اپنے کردار کو اچھی طرح سمچھ کر فلم میں کام کی حامی بھریں ۔

کہا جارہا ہے کہ فلم کی شوٹنگ اگلے برس کے اغاز میں شروع کی جائے گی اور اس کے لیے تمام تیاریاں پہلے سے ہی مکمل کی جاچکی ہیں اور فلم کے عملے کو اس سلسلہ میں مکمل طور پر رازداری برتنے کا کہا گیا ہے۔ ذرائع کا مذید کہنا ہے کہا اتھیا جن کی چار روز قبل فلم ہیرو سینما گھروں کی زینت بنائی گئی ہے نے ابھی تک کسی دوسری فلم کا معاہدہ نہیں کیا اور وہ کسی بھی ہدایتکار اور پروڈکشن ہاؤس کے ساتھ کام کرسکتی ہیں دوسری طرف سلمان خان نے اتھیہ شیٹی کے حوالے سے واضح کردیا ہے کہ وہ خود اپنے فیصلے کرنے کے قابل ہے اور اسے اپنے کریئر کے سلسلہ میں ہر قدم پر ان کی رہنمائی کی ضرورت نہیں ہے اور وہ اس پر کسی فلم میں کام کرنے کے لیے کوئی دباؤ نہیں ڈالیں گے ۔

دوسری طرف اداکارہ کی 6روز قبل سینما گھروں کی زینت بنائی جانیوالی فلم ''ہیرو'' ریلیز کے پہلے ہفتے کے دوران بھارتی سینماگھروں میں 21کروڑ 20 لاکھ کاکاروبار کرچکی ہے۔ کہا جارہا ہے کہ یہ فلم اپنے دوسرے ہفتے کے دوران پچاس لاکھ سے زیادہ کا کاروبار کرلے گی اور اگر اس میں بیرون ملک کا بزنس بھی شامل کیاجائے تو یہ 80 کروڑ سے بھی زائد کمائی کرنے والی فلم بن سکتی ہے ۔