ملا عمر کے بھائی اور بیٹے نے ملا اختر منصور کی بیعت کا اعلان کردیا

گزشتہ ماہ نئے سربراہ کے انتخاب کے بعد ملا عمر کے خاندان اور کئی دیگر رہنمائوں نے ملا اختر منصور کی مخالفت کی تھی:فوٹو:فائل

---

ملا عمر کے بھائی ملا عبدالمنان اخوند اور بیٹے ملا یعقوب نے ملا اختر منصور کی بیعت کا اعلان کردیا۔

افغان طالبان کی جانب سے جاری ایک بیان میں کہا گیا ہے کہ ملا محمد عمر کے بیٹے ملا یعقوب اور ملا عمر کے بھائی ملا عبدالمنان اخوند نے نئے سربراہ ملا اختر منصور کی بیعت کا اعلان کردیا ہے۔

واضح ر ہے کہ گزشتہ ماہ طالبان کے نئے سربراہ کے انتخاب کے بعد ملا عمر کے خاندان اور کئی دیگر رہنمائوں نے ملا اختر منصور کی مخالفت کی تھی ان کا دعویٰ تھا کہ ملا اختر منصور کو طالبان کی رہبری شوریٰ اور علماء نے منتخب نہیں کیا ۔