کراچی کے علاقے ڈیفنس سے القاعدہ برصغیر کا مالی معاونت کار گرفتار سی ٹی ڈی

انسداد دہشت گردی ڈیپارٹمنٹ نے ڈیفنس میں کارروائی کرکے القاعدہ برصغیر کے مالی معاونت کار کو گرفتار کرلیا۔

کراچی میں پریس کانفرنس کرتے ہوئے انسداد دہشت گردی ڈیپارٹمنٹ کے ایس ایس پی نوید خواجہ نے بتایا کہ سی ٹی ڈی نے ڈیفنس میں کارروائی کرکے القاعدہ برصغیر کے مالی معاونت کار شیبا احمد کو گرفتار کرلیا جب کہ ملزم نے دوران تفتیش سانحہ صفوراکے ملزمان کی ذہنی تربیت کے ساتھ ساتھ مالی معاونت کا بھی اعتراف کیا ہے۔


ایس ایس پی نوید خواجہ کے مطابق ملزم نےطالبان کی مالی مدد کا بھی اعتراف کیا ہے اور اپنا تعلق تنظیم اسلامی سے بتایا ہے جب کہ ملزم پاکستان اور پڑوسی اسلامی ملکوں میں کیمیکل کا کاروبار کرتا ہے جس کی فنڈنگ سے متعلق بھی جائزہ لے رہے ہیں۔

https://www.dailymotion.com/video/x373ahh_syed-sheeba-ahmed-safora-goth-facilitator_news