محکمہ داخلہ سندھ نے قربانی کی کھالیں جمع کرنے کا ضابطہ اخلاق جاری کردیا

کھالیں جمع کرنے کے لیے کمشنر یا ڈپٹی کمشنر سے پیشگی تحریری اجازت نامہ حاصل کرنا ہوگا، محکمہ داخلہ سندھ، فوٹو:فائل

---

محکمہ داخلہ سندھ نے قربانی کی کھالیں جمع کرنے کا ضابطہ اخلاق جاری کردیا جس کے مطابق ضابطہ اخلاق پردستخط کرنے والی تنظیمیں اورفلاحی ادارےہی کھالیں جمع کرسکیں گے۔

محکمہ داخلہ سندھ نے قربانی کی کھالیں جمع کرنے کا ضابطہ اخلاق جاری کردیا جس کے مطابق کھالیں جمع کرنے کے لیے کمشنر یا ڈپٹی کمشنر سے پیشگی تحریری اجازت نامہ حاصل کرنا ہوگا جب کہ کھالیں جمع کرنے کے لیے کیمپ لگانے کی اجازت نہیں ہوگی اور ضابطہ اخلاق پردستخط کرنےوالی تنظیمیں اورفلاحی ادارے ہی کھالیں جمع کرسکیں گے تاہم کسی بھی فلاحی ادارے یا تنظیموں کو گھر گھر جاکر کھالیں جمع کرنے کی اجازت نہیں ہوگی۔

محکمہ داخلہ سندھ کے جاری کردہ ضابطے کے مطابق گاڑیوں پرلاوڈ اسپیکر، مساجد، مدارس سےاعلان کی اجازت نہیں ہوگی اور عید کے تینوں دن ڈنڈا، سلاخیں یا اسلحہ لے کرچلنے پر پابندی ہوگی جب کہ کھالوں کی منتقلی کےلیے پولیس اور ڈپٹی کمشنرکو پیشگی پلان دینا ہوگا۔