ثانیہ کی اچھی کارکردگی پر فخر کے ساتھ دباؤ بھی محسوس کرتا ہوں شعیب ملک

ثانیہ مرزا کا یو ایس اوپن ویمنز ڈبلزٹینس ٹائٹل پانا مثال کامیابی ہے جس پر بے حد خوش ہوں۔:فوٹو: فائل

---

آل راؤنڈر شعیب ملک کا کہنا ہے کہ ثانیہ مرزا کی اچھی کارکردگی پر فخر کے ساتھ دباؤ بھی محسوس کرتا ہوں کہ اب کچھ کرکے دکھانا پڑے گا۔

لاہور میں میڈیا سے بات چیت کے دوران انھوں نے کہا کہ ہم دونوں میں فرق یہ ہے کہ میں ایک ٹیم کا رکن ہونے کے ناطے فتوحات میں ہر ممکن کردار ادا کرنے کی کوشش کرتا ہوں، اہلیہ کا کھیل انفرادی نوعیت کا ہے، انھوں نے کہا کہ ثانیہ مرزا کا یو ایس اوپن ویمنز ڈبلزٹینس ٹائٹل پانا مثال کامیابی ہے جس پر بے حد خوش ہوں۔

شعیب ملک نے کہا کہ احمد شہزاد کی شادی میں تمام کرکٹرز شریک ہوں گے، اوپنر زندگی کی نئی اننگز شروع کرنے جا رہے ہیں، میری نیک خواہشات ان کے ساتھ ہیں۔