چیف جسٹس افتخارمحمد چوہدری نے کراچی میں وکلا کی ٹارگٹ کلنگ اور خیرپور میں وکلا پر تشدد کے واقعات کا نوٹس لیتے ہوئے آئی جی پولیس سندھ، ڈی جی رینجرز اور سیکریٹری داخلہ کوطلب کرلیا۔
چیف جسٹس افتخارمحمد چوہدری سے کراچی بار کے وفد نے ملاقات کی اور ان واقعات پر اپنے تحفظات سے آگاہ کیا۔ چیف جسٹس نے کراچی بار کے صدر محمود الحسن کی شکایت پرنوٹس لیتے ہوئے تمام ذمہ داروں کو جواب دہی کے لئے پیش ہونے کاحکم دیا ہے۔
سپریم کورٹ کا لارجر بنچ 24 اکتوبر کو وکلا کی شکایت اور کراچی بدامنی کیس کی سماعت کرے گا۔ اس موقع پر بدامنی کیس پربنائی گئی کمیٹی کی رپورٹ پر بھی غور کیا جائے گا۔