خیبرایجنسی میں جیٹ طیاروں کی بمباری سے 16 دہشت گرد ہلاک

جیٹ طیاروں نے وادی تیراہ میں فضائی کارروائی کی جس میں دہشت گردوں کے 4 ٹھکانے بھی تباہ ہوگئے، سیکیورٹی ذرائع، فوٹو:فائل

---

وادی تیراہ میں جیٹ طیاروں کی بمباری میں 16 دہشت گرد ہلاک ہوگئے۔

سیکیورٹی ذرائع کےمطابق خیبرایجنسی کےعلاقے وادی تیراہ میں فضائی کارروائی کی گئی جس میں 16 دہشت گرد ہلاک ہوگئے۔ سیکیورٹی ذرائع کا کہنا ہے کہ جیٹ طیاروں نے وادی تیراہ میں دہشت گردوں کے ٹھکانوں کو نشانہ بنایا جس میں دہشت گردوں کے 4 ٹھکانے بھی تباہ ہوئے۔

سیکیورٹی ذرائع کےمطابق ہلاک ہونے والے دہشت گردوں کا تعلق کالعدم تحریک طالبان پاکستان سے ہے۔