کراچی کے علاقے ناظم آباد سے ’’را‘‘ کا مبینہ ایجنٹ گرفتار

گرفتاردہشتگرد ندیم عرف انکل واٹربورڈ کا ملازم ہےجب کہ ملزم بھارت سے دہشتگردی کی تربیت لے کر آیا، ایس ایس پی نویدخواجہ

ویب ڈیسک September 21, 2015

گرفتاردہشتگرد ندیم عرف انکل واٹربورڈ کا ملازم ہےجب کہ ملزم بھارت سے دہشتگردی کی تربیت لے کر آیا، ایس ایس پی نویدخواجہ، فوٹو:فائل

کاؤنٹرٹیررازم ڈیپارٹمنٹ نے ناظم آباد سے دہشت گرد کو گرفتار کرلیا جسے بھارتی خفیہ ایجنسی ''را'' کا مبینہ ایجنٹ قرار دیا ہے۔

ایس ایس پی سی ٹی ڈی نوید خواجہ کے مطابق کراچی کے علاقے ناظم آباد میں کارروائی کرکے دہشت گرد کو گرفتار کیا گیا جس کا تعلق مبینہ طور پر بھارتی خفیہ ایجنسی ''را'' سے ہے۔ ایس ایس پی نوید خواجہ کا کہنا تھا کہ گرفتار دہشت گرد ندیم عرف انکل کا تعلق جاوید لنگڑا گروپ سے اور یہ واٹر بورڈ کا ملازم ہے۔

ایس ایس پی سی ٹی ڈی کے مطابق گرفتار دہشت گرد مبینہ طور پر ''را'' کا ایجنٹ ہے، ملزم بھارت میں فرید پور سےدہشت گردی کی تربیت لے کر آیا اور کراچی میں بھی دہشت گردی کی تربیت دیتا تھا۔