کراچی کے علاقے اورنگی ٹاؤن میں فائرنگ سے پیپلزپارٹی کا کارکن جاں بحق پولیس

مقتول کی شناخت عابد بلوچ کے نام سے ہوئی جو پیپلزپارٹی کا مقامی عہدیدار تھا، پولیس، فوٹو:فائل

---

اورنگی ٹاؤن میں فائرنگ سے پیپلزپارٹی کا کارکن جاں بحق ہوگیا۔

ایکسپریس نیوز کے مطابق کراچی کےعلاقے اورنگی ٹاؤن میں اسلام چوک پر نامعلوم ملزمان کی فائرنگ سے ایک شخص جاں بحق ہوگیا۔ پولیس کےمطابق اسلام چوک پر فائرنگ سے جاں بحق ہونے والا پیپلزپارٹی کا مقامی عہدیدار ہے جس کی شناخت عابد بلوچ کے نام سے ہوئی۔ پولیس نے مقتول کی لاش کو ضابطے کی کارروائی کے لیے اسپتال منتقل کردیا ہے جب کہ واقعے کی تفتیش کے لیے جائے وقوعہ سے شواہد اکٹھا کرنا شروع کردیئے ہیں۔