سعودی عرب سمیت خلیجی ممالک میں عید الاضحیٰ منائی جارہی ہے

سعودی عرب سمیت خلیجی ممالک میں عیدالاضحیٰ مذہبی جوش و خروش کے ساتھ منائی جا رہی ہے جب کہ پاکستان کے ضلع خیبر پختونخوا میں ہر سال کی طرح اس بار بھی 2 عیدو ں کی روایت برقرار ہے۔

سعودی عرب میں عید کے بڑے اجتماعات مسجدالحرام اور مسجد نبوی میں ہوئے جہاں لاکھوں افراد نے عید الاضحیٰ کی نماز ادا کی جب کہ مسلمان سنت ابراہیمی کی پیروی کرتے ہوئے قربانی کا فریضہ انجام دے رہے ہیں۔


امریکا، آسٹریلیا، یورپ اور مشرق وسطیٰ میں بھی آج عید الاضحیٰ منائی جا رہی ہے۔ آسٹریلیا، ملائشیا، انڈونیشیا، نیوزی لینڈ میں بھی آج مسلمان عید منا رہے ہیں۔ برطانیہ میں ہر سال کی طرح اس بار بھی دو عیدیں منائیں گی، لندن میں موجود وزیراعظم نواز شریف سمیت بہت سے پاکستانی آج عید منا رہے ہیں جب کہ وہاں موجود دیگر مسلم کمیونٹی پاکستان کے ساتھ کل عید منائے گی۔

https://www.dailymotion.com/video/x37p981_eid-ul-azha-in-world_news