اداکارہ وینا ملک کے ہاں ننھی پری کی آمد

اس سے قبل گزشتہ برس ستمبر میں بھی وینا ملک اور اسد بشیر کے ہاں بیٹے کی پیدائش ہوئی تھی۔ فوٹو: فائل

---

ISLAMABAD: پاکستانی اداکارہ وینا ملک دوسرے بچے کی ماں بن گئی ہیں۔

اداکارہ وینا ملک کے شوہر اسد بشیر خان نے مائیکرو بلاگنگ ویب سائٹ ٹویٹر پر اپنے پیغام میں کہا ہے کہ امریکی ریاست ورجینیا کے ایک اسپتال میں ان کی اہلیہ نے ایک صحت مند بیٹی کو جنم دیا ہے۔ بیٹی کا نام امل اسد خان رکھا ہے۔ اسد بشیر خان کا کہنا تھا کہ اللہ کا لاکھ شکر ہے کہ حج کے مبارک دن ہمارے گھر میں ایک شہزادی کی آمد ہوئی ہے۔

https://twitter.com/Asadbashirr/status/646686380039536640

اس سے قبل گزشتہ برس ستمبر میں بھی وینا ملک اور اسد بشیر کے ہاں بیٹے کی پیدائش ہوئی تھی، جس کا نام ابرام خان خٹک رکھا گیا۔

واضح رہے کہ وینا ملک اور اسد بشیر خان نے اپنے بچوں کے نام معروف عالم دین مولانا طارق جمیل کے مشورے سے رکھے ہیں۔