فواد خان ایشوریا رائے کے ساتھ فلم میں جلوہ گر ہوں گے

فواد خان نامور فلمساز کرن جوہر کی فلم ’’اے دل ہے مشکل‘‘ میں مختصر کردار ادا کریں گے، فوٹو:فائل

---

NEW DELHI: پاکستانی چارمنگ اداکار فواد خان نامور فلمساز کرن جوہر کی فلم ''اے دل ہے مشکل'' میں مختصر کردار میں جلوہ گر ہوں گے۔

بالی ووڈ میں کامیابی کے جھنڈے گاڑنے والے پاکستانی اداکار فواد خان نے 2014 میں فلم ''خوبصورت'' سے بھارتی فلم انڈسٹری میں انٹری دی اور اپنے قدم جمانے میں کامیاب ہوگئے جب کہ انہیں متعدد فلموں میں کام کرنے کی پیشکش کی گئی تاہم انہوں نے وہ قابل اعتراض مناظر عکس بند کرانے کے باعث فلموں میں کام کرنے سے انکار کرچکے ہیں۔

بالی ووڈ اداکار فواد خان فلمساز کرن جوہر کی فلم ''کپور اینڈ سنز'' میں اداکار رشی کپور، سدھارت ملہوترا اور عالیہ بھٹ کے ہمراہ جلوہ گر ہوں گے اور اب وہ کرن جوہر کی ایک اور فلم ''اے دل ہے مشکل'' میں مختصر کردار میں نظر آئیں گے جس میں اداکار رنبیر کپور ،اداکارہ ایشوریا رائے اور انوشکا شرما مرکزی کردار ادا کریں گی جب کہ وہ فلم میں ڈی جے کا کردار نبھائیں گے اور یورپی شیر ویانا میں شوٹنگ کا حصہ بنیں گے۔