کراچی سمیت سندھ بھرمیں اغوا کی وارداتوں پر قابو پالیا گیا قائم علی شاہ

ڈاکٹرعاصم سے متعلق اخبارات اور ٹی وی سے معلومات ملتی ہے، وزیراعلیٰ سندھ۔ فوٹو:فائل

---

وزیر اعلیٰ سندھ قائم علی شاہ کا کہنا ہے کہ رینجرز آپریشن کے باعث کراچی سمیت سندھ بھرمیں اغوا کی وارداتوں پر قابو پالیا گیا ہے۔

لاڑکانہ میں میڈیا سےبات کرتے ہوئے وزیراعلیٰ سندھ سید قائم علی شاہ کا کہنا تھا کہ رینجرزکوسندھ میں اغوا برائے تاوان، بھتا خوری کی روک تھام اور دہشت گردی سےنمٹنے کے اختیارات دیے ہیں جب کہ رینجرز آپریشن کے باعث کراچی سمیت سندھ بھرمیں اغوا کی وارداتوں پر قابو پالیا گیا ہے۔

قائم علی شاہ نے کہا کہ ڈاکٹرعاصم سے متعلق اخبارات اور ٹی وی سے معلومات ملتی ہے تاہم رینجرز کی جانب سے ڈاکٹرعاصم سے متعلق کوئی رپورٹ سامنے نہیں آئی۔انہوں نے کہا کہ عیدالاضحیٰ قربانی کا درس دیتی ہے لہذا آج کے دن غریبوں اور یتیموں کا بھی خیال رکھا جائے۔